الاربعة آلاف جاتوه, سرقة ذكييية

السلام عليكــم ورحمـة الله وبركاتــة ،،
أنا اول مرة انشارك بموضوع انشالله يعجبكم
انا حنكتبها باللغة العامية وانشالله تفهموها
هذي قصة واقعية صارت في بنغازي : وحدة مش لمصنع حلويات وطلبت منه انه ايديرلها 4000 طرف من الجاتوه( اللي هو الباستي طبعا )
استغرب هو قاللها نحن مانديروش في الكمية هذي قالتله عندي مناسبة وجاييني ناس واجدة ونبيهن بعد بكرا وحقك يوصلك كامل .. قاللها به ...
مشت السيدة هذي ثاني يوم لمحل يبيع في الذهب امشت حجزت منه عقد يسوى 4000 دينار عطاته عربون وقالتله بكرا انجي ناخذه اتفقوا وجو تمام ..
ثالث يوم . يوم تسليم الجاتوه مشت السيدة لمحل الذهب وقالتله المبلغ واجد خفت انجيبه معايا ينسرق لكن عندنا مصنع حلويات امشي معايا تو تاخذهن منا
مش وراها في السيارة .. وصلت للمحل ... نزلت , خشت للمصنع جوا يعني مش في مكان الاستقبال
قالتله : الأربعة الاف جاهزات ( بدون ماتذكر كلمة جاتوه. يعني قالت الاربعة الاف بس)
قاللها : جاهزات .. قالتله : انا توا مش قاضية عطيهن للراجل اللي معايا برا اطلع معايا انوريه لك .. طلع قالتله هذا هو ( شيرتله علي صاحب محل الذهب )
وجت قدامة وقالتلهم سلموله الاربعة الاف ماتتاخروش قاللها حاضر
وطلعت وسكرت الباب
بكرا انكمللكم لو عجبكم الموضوع

بكرااااا

المهم لما طلعت العامل قاللة شوية وانسلمهم لك انحطوهم في الباكوات ( الصناديق ) قاله اين باكوات
قاله اللي بنحطو فيه الجاتوه قاله انا نبي 4000 جنيه وانت اتقولي جاتوه نبي اللي وصاتك عليهم صاحبة المصنع
قاله هذي زبونة تبي 4000 طرف قاتوه وقالتنا انسلموهم لك
طلع الراجل ايخبط في راسه عرف ان هو مضحوك عليه ...
شكرا